Собор Вятских святых

Собор Вятских святых является одним из самых молодых праздников Русской православной Церкви. По предложению митрополита Вятского и Слободского Хрисанфа, в собор вошли преподобные Трифон Вятский, Леонид Устьнедумский, Стефан Филейский, Матфей Яранский, святой блаженный Прокопий Вятский, исповедник Виктор, священномученики Михаил Тихоницкий, Николай Подьяков, Виктор Усов, Анатолий Ивановский и Прокопий Попов, преподобноисповедник Александр (Уродов) и мученица Нина Лальская. Прославление собора Вятских святых состоялось в день памяти преподобного Трифона Вятского, 21 октября 2007 года в Успенском кафедральном соборе Трифонова мужского монастыря в связи с празднованием 350-тилетия Вятской епархии.

Узнать больше о Вятских святых

Тропарь, глас 3.

Я́ко о́бразы доброде́телей/ и моли́твы плод богодарова́нный/ земля́ Вя́тская прино́сит Ти, Го́споди Бо́же наш,/ вся святы́я в той пожи́вшия и просия́вшия,/ тех моли́твами и предста́тельством Богоро́дицы// соблюди́ ненаве́тно оте́чество на́ше.

Кондак, глас 3.

Днесь земля́ Вя́тская лику́ет,/ прославля́ющи вся зде Бо́гу угоди́вшия,/ ти́и бо ны́не предстоя́т в Це́ркви/ и со все́ми святы́ми за ны мо́лятся Вы́шнему,// дарова́ти нам ве́лия ми́лости.

Молитва

О, всеблаже́ннии и богому́дрии уго́дницы Бо́жии по́двиги свои́ми зе́млю Вя́тскую освяти́вшии и телеса́ своя́ в ней оста́вльшии, душа́ми же свои́ми Престо́лу Бо́жию предстоя́щии и непреста́нно о ней моля́щиися! Се ны́не в день о́бщаго торжества́ мы, гре́шнии, ме́ньшая бра́тия ва́ша, дерза́ем приноси́ти вам сие́ хвале́бное пе́ние. Велича́ем ва́ши по́двиги, ублажа́ем свято́е житие́, прославля́ем ди́вная чудеса́ и восхваля́ем богоподража́тельную любо́вь.
О, сро́дницы на́ши, от дней Три́фона преподо́бнаго, архимандри́та Вя́тскаго, до после́дних време́н подвиза́вшияся и просия́вшия! Помяни́те не́мощь на́шу и испроси́те у Христа́ Бо́га ми́лости, да и мы, преплы́вше жите́йскую пучи́ну и невреди́мо соблю́дше сокро́вище ве́ры, в приста́нище ве́чнаго спасе́ния дости́гнем и в блаже́нных оби́телех Го́рняго Оте́чества вку́пе с ва́ми и со все́ми святы́ми водвори́мся благода́тию и человеколю́бием Спаси́теля на́шего Го́спода Иису́са Христа́, Ему́же со Преве́чным Отце́м и Пресвяты́м Ду́хом подоба́ет непреста́нное славосло́вие и поклоне́ние от всех во ве́ки веко́в. Ами́нь.